বানপানী ৰচনা | Flood Essay in Assamese

বানপানী ৰচনা | Flood Essay in Assamese ||অসমীয়া ৰচনা|| Assam Board Exam

অসমৰ বানপানী || Discover a comprehensive essay on “Flood in Assam” that explores the causes, impact, and measures to mitigate this recurring natural disaster. Enhance your understanding with detailed analysis and insights tailored to the SCERT Assam curriculum. Downloadable PDF available. Join AssamBoardExam.com for more educational resources

.

অসমৰ বানপানী

আৰম্ভণি:    

ভাৰতবৰ্ষৰ উত্তৰ-পূৱ কোণত আমাৰ অসম ৰাজ্য। নদীৰে পৰিবেস্থিত ৰাজ্যখনৰ আজি এক প্ৰধান সমস্যা হ’ল বানপানীৰ সমস্যা। প্ৰতি বছৰে এই প্ৰাকৃতিক দুৰ্যোগৰ কবলত পৰি অসমৰ যি দুৰ্গতি হৈছে, তাক বৰ্ণনা কৰি শেষ কৰিব নোৱাৰি। বানপানীৰ সমস্যাৰ হেচাঁত অসমৰ অন্যান্য ভালেমান জৰুৰী সমস্যা তল পৰি আছে।

বানপানীৰ কাৰণ:

ব্ৰহ্মপুত্ৰ,বৰাক, কপিলীকে মূখ্য কৰি বিভিন্ন নদী-উপনদীৰে অসম উপচি আছে। বাৰিষা এই নদীবোৰৰ পানী ফেনে ফোটোকাৰে বাঢ়ি অসমৰ বিস্তীৰ্ণ অঞ্চল জলমগ্ন কৰে। নৈ জান-জুৰি বিলাকৰ সীমিত বহন ক্ষমতাই অতিৰিক্ত পানী বহন কৰিবলৈ অপাৰগ হৈ পৰে ফলত ওফন্দি পৰি দুয়োকাষৰ অঞ্চল বুৰাই পেলায়। ব্ৰহ্মপুত্ৰৰ উপনৈ বোৰে যোগান ধৰা পানী বোৰ বহন কৰিব নোৱাৰি দুয়োপাৰেদি বগৰাই দিয়ে। তাৰ ফলতে ভৈয়ামত প্ৰৱল বানপানী হয়। কোনো কোনো বছৰত বানপানীয়ে ভীষণ ৰূপ লয়। অসমত বানপানী নোহোৱাকৈ এটা বছৰো পাৰ নহয়।

বানপানীৰ সমস্যা বা বানপানীয়ে কৰা অপকাৰ:   

কালৰূপ বানপানীয়ে স্থান-কাল বিচাৰ নকৰি পলকতে বহু অঞ্চল পলকতে সমুদ্ৰত পৰিণত কৰে। বহু কষ্ট আৰু অৰ্থৰ বিনিময়ত গঢ়ি তোলা মাথাউৰি পলকতে ভাঙি-চিঙি বিচ্ছিন্ন হয়। দুখীয়া কৃষকৰ বুকুত কুঠাৰ মাৰে বানপানীয়ে। বানপানীৰ লগে লগে আৰম্ভ হোৱা গৰাখহনীয়াত বহুতো গাঁও-ভুই, খেতি পথাৰ নদীৰ বুকুত লীণ হৈ যায়। চকুৰ আগতে নিজ ঘৰখন আৰু গাঁওখন নদীৰ বুকুত জাহ যোৱা দৃশ্য অতি মৰ্মান্তিক। বানপানীয়ে বাট-পথ, ঘৰ-দুৱাৰ নষ্ট কৰি পেলায়। শস্যৰ ভৰাঁল পানীত ডুব যায়। ঘৰচীয়া, বনৰীয়া বহু জীৱ-জন্তুৰ মৃত্য হয়। ঠায়ে ঠায়ে আশ্ৰয় শিবিৰ খোলা হয়।

          বানপানী শুকুৱাৰ পিছত আকৌ নানা ধৰণৰ বেমাৰ-আজাৰ হয়। বানপানীয়ে এৰি যোৱা আবৰ্জনাই পৰিৱেশ দূষিত কৰে। সংক্ৰামক ৰোগে জীৱৰ প্ৰাণ লয়। মুঠতে বানপানীয়ে বিলৈ-বিপত্তিৰ সীমা নোহোৱা কৰে।

নিয়ন্ত্ৰণৰ উপায় বা প্ৰতিকাৰ:   

আজি বিজ্ঞান আৰু প্ৰযুক্তি বিদ্যাৰ জয়জয় ময়ময় অৱস্থা। ব্ৰহ্মপুত্ৰক নিয়ন্ত্ৰণ কৰাৰ উপায় নাই বুলি ক’লে কোনেও বিশ্বাস নকৰে। চীনৰ ‘হোৱাংহো’ নদীক নিয়ন্ত্ৰণ কৰিব পাৰিছে যেতিয়া অসমৰ ব্ৰহ্মপুত্ৰ-বৰাককো নিয়ন্ত্ৰণ কৰিব পৰা যাব। এই কামবোৰৰ পৰিকল্পনা দক্ষ আৰু অভিজ্ঞ বিশেষজ্ঞৰ দ্বাৰা কৰিব লাগিব। তাক ৰূপায়নৰ বাবে প্ৰচুৰ অৰ্থও লাগিব। কেন্দ্ৰীয় চৰকাৰৰ সাহৰ্য্য এই ক্ষেত্ৰত অপৰিহাৰ্য। ব্ৰহ্মপুত্ৰ আৰু উপনৈৰ গতি নিয়ন্ত্ৰণ কৰি জলবিদ্যুত উৎপন্ন কৰিব পাৰিলেও অসমৰ বহু উপকাৰ হ’ব। ভূমিস্খলন ৰোধৰ বাবে গছ-গছনিৰ ৰোপন উত্তম উপায়।

সামৰণি:     

গভীৰ চিন্তা-চৰ্চা, বৈজ্ঞানিক উপায়, অভিজ্ঞ প্ৰযুক্তি বিদ্যা আদিৰ সহায়ত কৰ্মদক্ষ কমিটিয়ে কাম কৰিলে অসমৰ বান নিয়ন্ত্ৰিত হোৱাটো নিশ্চিত। বানপানীৰ দুৰ্যোগৰ পৰা হাত সাৰিব পাৰিলে অসমৰ অৰ্থনীতিলৈ বহু পৰিবৰ্তন আহিব। অসমত দৰিদ্ৰতাও নিৰ্মূল হ’ব বুলি আশা কৰিব পাৰি।

For More details check our Youtube Channel Assam Board Exam