Class 6 Social Science

Class 6 social science সমাজ বিচিত্ৰা স্বদেশ – বিদেশৰ সমাজ পৰিচয় assamese medium question answer|| Class 6|| ভাৰতীয় সভ্যতাৰ আৰম্ভণি|| Class 6 social science chapter 8 Assamese Medium

ভাৰতীয় সভ্যতাৰ আৰম্ভণি

Class 6 social science assamese medium question answer|| Class 6| ভাৰতীয় সভ্যতাৰ আৰম্ভণি || Class 6 social science chapter 8 Assamese Medium|| For More Details check our Youtube Channel ExamPedia Assam

অনুশীলনী-১

১. তলৰ প্রশ্নবোৰৰ উত্তৰ দিয়া-

(ক) সভ্যতা বুলিলে কি বুজা।

উত্তৰ: সভ্যতা হৈছে মানুহৰ সামাজিক, ধৰ্মীয়, অৰ্থনৈতিক, ৰাজনৈতিক, নৈতিক আৰু সাংস্কৃতিক উন্নতিৰ অৱস্থা।

(খ) সভ্যতাৰ বৈশিষ্ট্যসমূহ উল্লেখ কৰা।

উত্তৰ: সভ্যতাৰ বৈশিষ্ট্যসমূহ হ’ল-

(ক) শিল, ধাতু, কাঠ আদি কেঁচামাল সুলভ আছিল। এইবোৰৰ পৰা শিল্পজাত সামগ্ৰীৰ উৎপাদন আৰু পৰিচালনাৰ সুব্যৱস্থা আছিল।

(খ) দাঁতি-কাষৰীয়া অঞ্চলবোৰৰ মাজত থকা অর্থনৈতিক সম্পর্ক আছিল। ইয়াৰ ফলত আভ্যন্তৰীণ আৰু বহিঃবাণিজ্যৰ সুব্যৱস্থা গঢ়ি উঠিছিল।

(গ) সেই সভ্যতাৰ সাক্ষী বহন কৰা নিৰ্ভৰযোগ্য তথ্য এতিয়াও মজুত আছে।

(ঘ) সৃষ্টিশীল কাম-কাজ, যেনে, লিখিত সাহিত্য, ফলক, শিলালিপি আদিৰ দ্বাৰা সেই সময়ৰ জীৱনৰ প্ৰতিফলন দেখা যায়।

(ঙ) উপযুক্ত কৃষি ব্যৱস্থাৰ যোগেদি গাঁৱৰ লগতে নগৰতো খাদ্য আৰু অন্যান্য দ্রব্য যোগান ধৰিব পৰাকৈ সমৃদ্ধিশালী গাঁও আছিল।

(গ) নীল নদীৰ পাৰত কোনটো সভ্যতা গঢ়ি উঠিছিল।

উত্তৰ: নীল নদীৰ পাৰত মিছৰীয় সভ্যতা গঢ়ি উঠিছিল।

(ঘ) যিকোনো দুটা প্রাচীন সভ্যতাৰ নাম লিখা।

উত্তৰ: যিকোনো দুটা প্রাচীন সভ্যতাৰ নাম হ’ল-

১. সিন্ধু সভ্যতা।

২. মেছ’পটেমিয়া সভ্যতা।

অনুশীলনী-২

১. তলৰ প্রশ্নবোৰৰ উত্তৰ দিয়া-

(ক) সিন্ধু সভ্যতাক আন কি কি নামেৰে জনা যায়?

উত্তৰ: সিন্ধু সভ্যতাক হৰপ্পা সভ্যতা আৰু সিন্ধু – সৰস্বতি সভ্যতা নামেৰে জনা যায়।

(খ) হৰপ্পা সভ্যতাৰ উল্লেখযোগ্য যিকোনো দুটা স্থানৰ নাম লিখা।

উত্তৰ:  হৰপ্পা সভ্যতাৰ উল্লেখযোগ্য যিকোনো দুটা স্থানৰ নাম হ’ল-  লোথাল, ধোলভিৰা।

(গ) হৰপ্পা সভ্যতাৰ নগৰৰ গাঁথনি কেনে আছিল?

উত্তৰ:- হৰপ্পা সভ্যতাৰ নগৰবোৰক গাঁথনিৰ ফালৰ পৰা দুৰ্গ আৰু নামনি চহৰ  এই দুই  ভাগত ভগাব পাৰি। দুর্গ হ’ল চহৰৰ ওখ অংশ, য’ত ৰাজহুৱা গৃহ, শস্যৰ ভঁৰাল, ৰাজহুৱা স্নানাগাৰ, সভাগৃহ আদি আছিল। আনহাতে নামনি চহৰ আছিল সাধাৰণ প্ৰজাৰ বাসস্থান।

২. চমুটোকা লিখা – হৰপ্পা সভ্যতাৰ সময়ৰ

(ক) সৰস্বতী নদী

উত্তৰ:- হৰপ্পা সভ্যতাৰ সময়ত সৰস্বতী নদীৰ কাষত অসংখ্য ঠাই আছিল, যিবোৰক এতিয়া ভাৰতত ‘ঘগ্নাৰ’ আৰু পাকিস্তানত ‘হকৰা’ বুলি অভিহিত কৰা হৈছে। এই নদীখনত বাৰিষাৰ সময়তহে পানী থাকে। ঋগ্‌বেদত সৰস্বতী নদীৰ প্ৰথম উল্লেখ পোৱা যায়।

(খ) ঘৰ- দুৱাৰ

উত্তৰ:- হৰপ্পা সভ্যতাৰ সময়ৰ নগৰবোৰক গাঁথনিৰ ফালৰ পৰা দুৰ্গ আৰু নামনি চহৰ এই দুই ভাগত ভগাব পাৰি। দুর্গ হ’ল চহৰৰ ওখ অংশ, য’ত ৰাজহুৱা গৃহ, শস্যৰ ভঁৰাল, ৰাজহুৱা স্নানাগাৰ, সভাগৃহ আদি আছিল। এই অঞ্চলতে শাসক শ্ৰেণীৰ লোকে বাস কৰিছিল। নামনি চহৰত আছিল সাধাৰণ প্ৰজাৰ বাসস্থান | এই ঘৰবোৰ ঘাইপথৰ দুয়োকাষে সজা হৈছিল। ঘাইপথতকৈ কিছু উচ্চতাত ঘৰবোৰ নিৰ্মাণ কৰা হৈছিল। তাত খটখটিৰ ব্যৱস্থা আছিল।প্রত্যেক ঘৰৰ লগত শৌচাগাৰ, চোতাল, ৰান্ধনিঘৰ আৰু একাধিক শোৱা কোঠালীৰ ব্যৱস্থা আছিল। বেছিভাগ ঘৰেই দুমহলীয়া আছিল। ঘৰবোৰ ইটাৰে সজা হৈছিল।

(গ) ৰাস্তা -ঘাট

উত্তৰ:- হৰপ্পা সভ্যতাৰ অন্তৰ্গত চহৰবোৰৰ ৰাস্তা -ঘাটবোৰ আছিল আহল- বহল আৰু সাধাৰণতে ইটো-সিটোৰ সমান্তৰাল। মূল ঘাইপথৰপৰা ওলাই অহা সৰু সৰু আলিবোৰ সমান ব্যৱধানত আন পথত লগ লাগিছিল। সমগ্ৰ চহৰখনৰ বাট -পথবোৰ আয়তাকাৰে বিভক্ত হৈ আছিল। কিছুমান আলিবাট পোৰা ইটাৰে সজাৰ প্ৰমানো পোৱা গৈছে। ৰাস্তাৰ ভাজবোৰ কোণযুক্ত নহৈ ধেনুভিৰীয়াকৈ সঁজা হৈছিল যাতে জন্তুৱে টনা গাড়ী সহজে পাৰ হৈ যাব পাৰে।

(খ) জল – নিষ্কাষণ ব্যৱস্থা

উত্তৰ:- হৰপ্পা সভ্যতাৰ চহৰবোৰৰ জল- নিষ্কাষণ, অর্থাৎ পানী যোৱাৰ ব্যৱস্থা সু- পৰিকল্পিত আছিল। প্রত্যেক ঘৰৰে ব্যবহৃত পানী ওলাই গৈ নলাত পৰাৰ ব্যৱস্থা আছিল। আলিবাটৰ সমান্তৰালকৈ বা কাষে কাষে পানী যোৱা নলা আছিল | এই নলাবোৰ ইটাৰ ঢাকনিৰে ঢাকি থোৱা আছিল। ইয়াৰ পৰা বুজিব পাৰি যে হৰপ্পা সভ্যতাৰ বাসিন্দাসকলে চাফ চিকুনকৈ থকাত বিশেষ গুৰুত্ব দিছিল।

৩। “হৰপ্পা সভ্যতাৰ সেই সময়ৰ বাসিন্দাসকলে চাফ-চিকুণকৈ থকাত বিশেষ গুৰুত্ব দিছিল।”- ব্যাখ্যা কৰা।

উত্তৰঃ “হৰপ্পা সভ্যতাৰ সেই সময়ৰ বাসিন্দাসকলে চাফ-চিকুণকৈ থকাত বিশেষ গুৰুত্ব দিছিল।” —এই বক্তব্যটো হৰপ্পা সভ্যতাৰ নগৰ পৰিকল্পনা আৰু জল-নিষ্কাষণ ব্যৱস্থা পৰ্যালোচনা কৰিলে স্পষ্ট হয়।

হৰপ্পা সভ্যতাৰ চহৰসমূহ সু-পৰিকল্পিত আছিল। প্রত্যেক ঘৰত ব্যৱহৃত পানী ওলাই যাবলৈ বিশেষ ব্যৱস্থা আছিল। প্রত্যেক ঘৰৰে ব্যৱহৃত পানী ওলাই গৈ নলাত পৰাৰ ব্যৱস্থা আছিল। আলিবাটৰ সমান্তৰালকৈ বা কাষে কাষে পানী যোৱা নলা আছিল | এই নলাবোৰ ইটাৰ ঢাকনিৰে ঢাকি থোৱা আছিল। ইয়াৰ পৰা বুজিব পাৰি যে হৰপ্পা সভ্যতাৰ বাসিন্দাসকলে চাফ চিকুনকৈ থকাত বিশেষ গুৰুত্ব দিছিল।

অনুশীলনী-৩

১. তলৰ প্ৰশ্নবোৰৰ উত্তৰ দিয়া-

(ক)হৰপ্পা সভ্যতাৰ লোকসকল কি কি বৃত্তিৰ লগত জড়িত আছিল?

উত্তৰ:- হৰপ্পা সভ্যতাৰ লোকসকল কৃষি, পশুপালন আৰু হস্তশিল্পৰ লগত জড়িত আছিল।

(খ) হৰপ্পা সভ্যতাৰ লোকসকলৰ কোন কোন অঞ্চলৰ লগত বাণিজ্যিক সম্পর্ক আছিল?

উত্তৰ:- হৰপ্পা সভ্যতাৰ লোকসকলৰ মেছপটেমিয়া আৰু পাৰস্যৰ লোকসকলৰ লগত বাণিজ্যিক সম্পর্ক আছিল।

(গ) বহিজগতৰ লগত হৰপ্পাবাসীৰ বাণিজ্যিক সম্পৰ্কৰ কি কি প্রমাণ পোৱা যায়?

উত্তৰ:- হৰপ্পা সভ্যতাৰ ছীল- মোহৰ, মাটিৰ পাত্ৰ আদিৰ অংশবিশেষ মেছপটেমিয়া আৰু পাৰস্যৰপৰা উদ্ধাৰ কৰা হৈছে। এনেদৰে উদ্ধাৰ হোৱা সামগ্ৰীবোৰে আন আন ঠাইৰ লগত হৰপ্পাবাসীৰ বাণিজ্যিক সম্পৰ্কৰ কথা প্ৰমাণ কৰে।

(ঘ) হৰপ্পা সভ্যতাৰ লোকসকলে কি কি শস্যৰ খেতি কৰিছিল?

উত্তৰ:- হৰপ্পা সভ্যতাৰ লোকসকলে ঘেঁহু, বার্লি, সৰিয়হ, শাক-পাচলি, ফল-মূল আৰু কপাহ আদি শস্যৰ খেতি কৰিছিল।

(ঙ) হৰপ্পা সভ্যতাৰ সময়ছোৱাত কোনবোৰ হস্তশিল্পৰ প্ৰচলন আছিল?

উত্তৰ:- হৰপ্পা সভ্যতাৰ সময়ছোৱাত পোৰা মাটিৰে নিৰ্মাণ কৰা সামগ্ৰী, সোণৰ আ- অলংকাৰ, তামৰ বাচন- বৰ্তন, ব্ৰঞ্জৰ সঁজুলি, বয়ন সামগ্ৰী, ইটা, কাঠৰ বস্তু, নাওঁ আদি হস্তশিল্পৰ প্ৰচলন আছিল।

চ) কিহৰ ওপৰত ভিত্তি কৰি হৰপ্পা সভ্যতাৰ লগত মেছ’পটেমিয়া আৰু ৰোমান সভ্যতাৰ সম্পৰ্ক আছে বুলি ক’ব পাৰি?

উত্তৰ:- বিভিন্ন খননত পোৱা বিদেশী সামগ্রী, ছীল-মোহৰ, মাটিৰ পাত্ৰ আদিৰ ওপৰত ভিত্তি কৰি আমি ক’ব পাৰো যে হৰপ্পা সভ্যতাৰ লগত মেছ’পটেমিয়া আৰু ৰোমান সভ্যতাৰ সম্পৰ্ক আছিল।

২. চমুটোকা লিখা- হৰপ্পাকালীন (ক) জীৱিকা

উত্তৰ:- হৰপ্পা সভ্যতাৰ সময়ছোৱাত লোকসকল কৃষি, পশুপালন আৰু হস্তশিল্পৰ নিচিনা বৃত্তিৰ লগত জড়িত আছিল। হৰপ্পা সভ্যতাৰ লোকসকলে ঘেঁহু, বার্লি, সৰিয়হ, শাক-পাচলি, ফল-মূল আৰু কপাহ আদিৰ খেতি কৰিছিল। হৰপ্পা সভ্যতাৰ লোকসকলে হাতী, উট, ম’হ, গৰু, ভেড়া আদি পালন কৰিছিল |

(খ) বাণিজ্য

উত্তৰ:- হৰপ্পা সভ্যতাৰ ছীল মোহৰ, মাটিৰ পাত্ৰ আদিৰ অংশবিশেষ মেছপটেমিয়া আৰু পাৰস্যৰপৰা উদ্ধাৰ কৰা হৈছে। সেইদৰে মেছ’ পটেমিয়া ছীল-মোহৰ হৰপ্পাত পোৱা গৈছে। এনেদৰে উদ্ধাৰ হোৱা সামগ্ৰীবোৰে আন আন ঠাইৰ লগত হৰপ্পাবাসীৰ বাণিজ্যিক সম্পৰ্কৰ সাক্ষ্য বহন কৰে। সেই সময়ত স্থলপথ আৰু জলপথ উভয়েদি বেহা- বেপাৰ চলিছিল।

অনুশীলনী-৪

১. তলৰ প্ৰশ্নবোৰৰ উত্তৰ দিয়া-

(ক) ‘ইউনিকর্ণ’ কি?

উত্তৰ:- হৰপ্পাৰ ছীল-মোহৰবোৰত এশিঙীয়া জন্তু এবিধৰ প্ৰতিচ্ছবি দেখা যায়, যাক ইউনিকর্ণ বুলি কোৱা হয়।

(খ) ছীল-মোহৰবোৰত কি কি জন্তুৰ প্ৰতিচ্ছবি পোৱা গৈছে?

উত্তৰ:- ছীল-মোহৰবোৰত ষাঁড়গৰু, ভেড়া, বাঘ, আৰু হাতীৰ প্ৰতিচ্ছবি পোৱা গৈছে।

(গ) হৰপ্পাকালীন লিপি কি কি সামগ্ৰীত পোৱা গৈছে?

উত্তৰ:- হৰপ্পাকালীন লিপিবোৰ মোহৰ, তামৰ ফলি, ব্ৰঞ্জৰ ফলি, শিলৰ টুকুৰা, পোৰা মাটিৰ পাত্ৰৰ টুকুৰা আদিত পোৱা গৈছে।

২. চমুটোকা লিখা- হৰপ্পাৰ সময়ৰ

(ক) ধর্মীয় বিশ্বাস

উত্তৰ:- হৰপ্পাকালীন সভ্যতাত ভিন ভিন ঠাইৰপৰা উদ্ধাৰ হোৱা একেধৰণৰ মাটিৰে নিৰ্মিত নাৰী মুৰ্ত্তি এটাক ইতিহাসবিদসকলে ধর্মীয় বিশ্বাসৰ প্ৰতীক বুলি কয়।তদুপৰি ছীল-মোহৰবোৰত খোদিত বহি থকা অৱস্থাত পশুৰে বেষ্টিত পুৰুষৰ প্ৰতিচ্ছবিক পশুপতি শিৱ বুলি অভিহিত কৰা দেখা যায়।

খ) ভাষা আৰু লিপি

উত্তৰ:- হৰপ্পাবাসীয়ে কি ভাষা ব্যৱহাৰ কৰিছিল সেয়া জনা নাযায়। সেয়েহে বিভিন্ন উৎসৰপৰা উদ্ধাৰ হোৱা লিপিসমূহৰ পাঠোদ্ধাৰ এতিয়াও সম্ভৱ হৈ উঠা নাই। কিন্তু ভাষাবিদসকল নিশ্চিত হৈছে যে তেওঁলোকৰ লিপিৰ আখৰবোৰ চিত্রলিপি আছিল। অর্থাৎ, ছবিক আখৰ হিচাপে ব্যৱহাৰ কৰা হৈছিল। এতিয়ালৈ প্রায় ৫০০ চিত্রলিপি উদ্ধাৰ হৈছে। বাক্যবোৰ সোঁফালৰপৰা বাওঁফাললৈ লিখা হৈছিল। এই লিপিবোৰ মোহৰ, তামৰ ফলি, ব্ৰঞ্জৰ ফলি, শিলৰ টুকুৰা, পোৰা মাটিব পাত্ৰৰ টুকুৰা আদিত পোৱা গৈছে।

অনুশীলনী-৫

১. তলৰ প্ৰশ্নবোৰৰ উত্তৰ দিয়া-

(ক) হৰপ্পা সভ্যতাৰ বেছিভাগ ঘৰ কেনেকুৱা আছিল?

উত্তৰ:- হৰপ্পা সভ্যতাৰ বেছিভাগ ঘৰ দুমহলীয়া আছিল।

(খ) হৰপ্পা সভ্যতাৰ লিপিৰ আখৰবোৰ কেনেকুৱা আছিল?

উত্তৰ:- হৰপ্পা সভ্যতাৰ লিপিৰ আখৰবোৰ সোঁফালৰপৰা বাওঁফাললৈ লিখা হৈছিল।

(গ) হৰপ্পা সভ্যতাৰ মোহৰ বোৰত কিহৰ চিত্ৰ খোদিত আছিল?

উত্তৰ:- হৰপ্পা সভ্যতাৰ মোহৰবোৰত বিভিন্ন জন্তু যেনে, ষাঁড়গৰু, ভেড়া, বাঘ, আৰু হাতীৰ চিত্ৰ খোদিত আছিল।

(ঘ) ১৯২১ চনত কাৰ নেতৃত্বত মহেঞ্জোদাৰোত খনন কার্য চলিছিল ?

উত্তৰ:- ১৯২১ চনত ৰাখাল দাস বেনাৰ্জীৰ নেতৃত্বত মহেঞ্জোদাৰোত খনন কার্য চলিছিল।

Class 6 social science সমাজ বিচিত্ৰা স্বদেশ – বিদেশৰ সমাজ পৰিচয় assamese medium question answer|| Class 6| ভাৰতীয় সভ্যতাৰ আৰম্ভণি || Class 6 social science chapter 8 Assamese Medium

For More details check our Youtube Channel ExamPedia Assam

Class 6 Social Science All Chapter – Click Here

🔗 Related Study Resources

6 Assamese | Class 6 Science | Class 6 Social Science | Class 6 Mathematics |

📲 Stay Connected

Get the latest updates and chapter releases via:

📢 WhatsApp Channel

📢 Telegram Channel

📢 Youtube Channel

Class 6 social science সমাজ বিচিত্ৰা স্বদেশ – বিদেশৰ সমাজ পৰিচয় assamese medium question answer|| Class 6|| ভাৰতীয় সংস্কৃতিৰ ভেটি || Class 6 social science chapter 10 Assamese Medium

ভাৰতীয় সংস্কৃতিৰ ভেটি

Class 6 social science assamese medium question answer|| Class 6| ভাৰতীয় সংস্কৃতিৰ ভেটি || Class 6 social science chapter 10 Assamese Medium|| For More Details check our Youtube Channel ExamPedia Assam

অনুশীলনী-১

১. তলৰ প্রশ্নবোৰৰ উত্তৰ দিয়া-

(ক) ‘বেদ‘ মানে কি?

উত্তৰ:- বেদ হৈছে সংস্কৃত ভাষাত ৰচিত ভাৰতৰ প্ৰাচীন আৰু পবিত্র গ্রন্থ। সংস্কৃত ভাষাত ‘বেদ’ মানে হ’ল ‘জ্ঞান’। সেয়ে বেদক জ্ঞান আৰু প্রজ্ঞাৰ উৎস বুলি গণ্য কৰা হয়।

(খ) গ্রাম কি?

উত্তৰ:- গ্রাম’ হ’ল কেইটামান ‘কুল’ বা পৰিয়ালৰ সমষ্টি।

(গ) বৈদিক যুগৰ উল্লেখযোগ্য নাৰী কেইগৰীকীমানৰ নাম লিখা।

উত্তৰ:- বৈদিক যুগৰ কেইগৰাকীমান উল্লেখযোগ্য নাৰী হ’ল- বিশ্বৱাৰা, লোপামুদ্রা, ঘোষ, অপলা আদি।

২) বৈদিক যুগৰ সমাজ ব্যৱস্থাৰ বিষয়ে এটি টোকা লিখা।

উত্তৰ:-বৈদিক যুগৰ সমাজ পিতৃপ্রধান আছিল। পিতৃ আছিল পৰিয়ালৰ মুৰব্বী। পৰিয়াল আছিল আটাইতকৈ সৰু গোট যাক ‘কুল’ বা ‘গৃহ’ বুলি জনা গৈছিল। গৃহ বা পৰিয়ালৰ মুৰব্বীজনক গৃহপতি বোলা হৈছিল। কেইটামান ‘কুল’ বা পৰিয়ালৰ সমষ্টিক ‘গ্রাম’বোলা হৈছিল।। ‘গ্রাম’ৰ মুৰব্বীজনক ‘গ্রামণী’ বোলা হৈছিল। কেইবাখনো ‘গ্রাম’ বা গাঁও লগ লাগি একোখন ‘বিশ’ গঠিত হৈছিল আৰু বিশৰ মুৰব্বীজনক ‘বিশপতি’ বোলা হৈছিল। আনহাতে কেইবাখনো বিশ লগ লাগি একোখন ‘জন’ গঠিত হৈছিল। ‘জন’ আছিল আটাইতকৈ ডাঙৰ ৰাজনৈতিক আৰু প্ৰশাসনীয় গোট যাৰ মুৰব্বীজনক ৰাজন’ বোলা হৈছিল। সেনানী আৰু পুৰোহিতে ৰাজনক কাম-কাজত সহায় কৰিছিল। ইয়াৰ উপৰি ৰাজনক সহায় কৰিবলৈ সভা আৰু সমিতিও আছিল। যদিও এই সমাজখন পুৰুষপ্রধান আছিল, ধর্মীয় আৰু ৰাজনৈতিক কাম-কাজত মহিলাসকলেও সমানেই অংশ গ্রহণ কৰিছিল।

৩) বেদত উল্লেখ থকা মূল ধাৰণাকেইটা কি কি?

উত্তৰ:- বেদত উল্লেখ থকা মূল ধাৰণাকেইটা হ’ল-

ধর্ম, অর্থাৎ সৎ পথত থাকি নিজৰ দায়িত্ব আৰু কৰ্তব্য পালন করা।

কর্ম, অর্থাৎ সৎ বা ভাল কৰ্মৰ ফল সদায় ভাল আৰু অসৎ বা বেয়া কৰ্মৰ ফল সদায় বেয়া।

মোক্ষ, অর্থাৎ আধ্যাত্মিক চিন্তা-চৰ্চাৰ জৰিয়তে জন্ম আৰু মৃত্যুৰ চক্ৰৰপৰা মুক্তি লাভ কৰা।

অনুশীলনী–২

১. তলৰ প্রশ্নবোৰৰ উত্তৰ দিয়া-

(ক) জড়বাদৰ প্ৰচাৰক কোন আছিল?

উত্তৰ:-জড়বাদৰ প্ৰচাৰক আছিল চার্বাক।

(খ) লোকায়ত বুলিলে কি বুজা?

উত্তৰ:-জড়বাদৰ প্ৰচাৰক আছিল চার্বাক।চার্বাক তথা তেওঁৰ অনুগামীসকলে জড়বস্তুকে পৰমসত্তা বুলি স্বীকাৰ কৰে। সেয়েহে এই মতবাদক জড়বাদ বোলা হয়। সাধাৰণ মানুহৰ মাজত লোকপ্রিয় হোৱা কাৰণে ইয়াক লোকায়ত বুলিও জনা যায়।

(গ) কোনে প্রথম জড়বাদৰ ধাৰণা প্ৰকাশ কৰিছিল?

উত্তৰ:-দার্শনিক বৃহস্পতিয়ে প্রথম জড়বাদৰ ধাৰণা প্রকাশ কৰিছিল।

(ঘ) জড়বাদৰ মতে জগতৰ সকলো বস্তু কোনকেইটা উপাদানৰ সমষ্টি?

উত্তৰ:- জড়বাদৰ মতে জগতৰ সকলো বস্তু মাটি, পানী, অগ্নি আৰু বায়ুৰ সমষ্টি।

অনুশীলনী-৩

১) তলৰ প্ৰশ্নবোৰৰ উত্তৰ দিয়া-

(ক) মহাবীৰ কোন আছিল?

উত্তৰ:-মহাবীৰ আছিল জৈন মতবাদৰ প্ৰৱৰ্তক আৰু প্ৰচাৰক।

(খ) জৈনধর্মত মুঠ কিমানগৰাকী তীর্থংকৰ আছে? প্রথমজন তীর্থংকৰ কোন আছিল?

উত্তৰ:- জৈন ধৰ্মত মুঠ ২৪ জন তীৰ্থংকৰ আছে। প্ৰথমজন তীৰ্থংকৰ ঋষভনাথ আছিল।

(গ) জৈন ধৰ্মৰ নীতি পাঁচটা কি কি?

উত্তৰ:-উত্তৰঃ জৈন ধৰ্মৰ নীতি পাঁচটা হ’ল-

(i) অহিংসা: কোনো জীৱিত বস্তুৰ অনিষ্ট সাধন নকৰা।

(ii) সত্য: সদায় সঁচা কথা কোৱা।

(iii) অস্তেয়: চুৰি নকৰা।

(iv) ত্যাগ: সম্পত্তি নৰখা।

v) ব্ৰহ্মচার্য: ব্ৰহ্মচাৰী জীৱন-যাপন কৰা।

(ঘ) জৈন ধর্ম গ্রহণ কৰা প্ৰাচীন ভাৰতৰ দুগৰাকী ৰজাৰ নাম লিখা।

উত্তৰ:-জৈন ধৰ্ম গ্ৰহণ কৰা প্ৰাচীন ভাৰতৰ দুগৰাকী ৰজাৰ নাম হ’ল- বিম্বিসাৰ আৰু অজাতশত্রু।

(ঙ) জৈন ধৰ্মৰ অনুগামীসকলক কি কি দুটা ভাগত ভাগ কৰিব পাৰি?

উত্তৰ:-জৈন ধৰ্মৰ অনুগামীসকলক দিগম্বৰ আৰু শ্বেতাম্বৰ এই দুটা ভাগত ভাগ কৰিব পাৰি।

(চ) মহাবীৰৰ শিকনিসমূহ প্রাকৃত ভাষাত কি নামেৰে সন্নিৱিষ্ট কৰা হৈছে?

উত্তৰ:-মহাবীৰৰ শিকনিসমূহ প্রাকৃত ভাষাত ‘অংগ’ নামেৰে সন্নিৱিষ্ট কৰা হৈছে।

২) ভাৰতবৰ্ষৰ আধ্যাত্মিকতাৰ দিশত নতুন চিন্তাধাৰাৰ উন্মেষ ঘটাৰ কাৰণ কি আছিল?

উত্তৰঃ সামাজিক আৰু ধর্মীয় সংকটৰ ফলত আত্মিক সন্ধানৰ বাবে ভাৰতবৰ্ষৰ আধ্যাত্মিকতাৰ দিশত নতুন চিন্তাধাৰা জন্ম লৈছিল।

৩) বর্ধমান মহাবীৰে সন্ন্যাসী জীৱন-যাপন কৰিবলৈ কিয় মতপোষণ কৰিছিল?

উত্তৰঃ বর্ধমান মহাবীৰে আত্ম-শুদ্ধি আৰু মোক্ষ লাভৰ বাবে সন্ন্যাসী জীৱন-যাপন কৰিবলৈ কিয় মতপোষণ কৰিছিল।

অনুশীলনী-৪

১) তলৰ প্ৰশ্নবোৰৰ উত্তৰ দিয়া-

ক) বৌদ্ধধৰ্মৰ প্ৰৱৰ্তক কোন আছিল?

উত্তৰঃ বৌদ্ধধৰ্মৰ প্ৰৱৰ্তক গৌতম বুদ্ধ আছিল।

(খ) গৌতমবুদ্ধৰ পিতৃপ্রদত্ত নাম কি আছিল?

উত্তৰঃ গৌতমবুদ্ধৰ পিতৃপ্রদত্ত নাম সিদ্ধার্থ আছিল।

(গ) গৌতমবুদ্ধই কোন ঠাইত তপস্যাত বহিছিল?

উত্তৰঃ গৌতমবুদ্ধই বোধগয়া ঠাইত তপস্যাত বহিছিল।

(ঘ) ‘বোধিদ্রুম’ বুলি কোনজোপা গছক কোৱা হয়?

উত্তৰঃ যিজোপা আঁহত গছৰ তলত গৌতম বৌদ্ধই দিব্যজ্ঞান লাভ কৰিছিল সেই গছজোপাক ‘বোধিদ্রুম’ বুলি জনা যায়।

(ঙ) বৌদ্ধ মতবাদৰ মূল চাৰিটা মহৎ সত্য কি?

উত্তৰঃ বৌদ্ধ মতবাদৰ মূল চাৰিটা মহৎ সত্য হ’ল-

(i) পৃথিৱীখন দুখময়।

(ii) মানুহৰ আশা-আকাংক্ষাৰপৰা দুখৰ উৎপত্তি হয়।

(iii) আশা-আকাংক্ষা দমন কৰি ৰাখিলে মুক্তি সম্ভৱ হয়। আৰু

iv) সেই মুক্তিৰ বাবে অষ্ট মার্গ বা আঠটা পথ অনুসৰণ কৰাৰ প্ৰয়োজন আছে।

(চ) বৌদ্ধধৰ্মৰ মূল গ্ৰন্থখনৰ নাম কি?

উত্তৰঃ বৌদ্ধধৰ্মৰ মূল গ্ৰন্থখনৰ নাম হ’ল- ত্রিপিটক।

(ছ) বৌদ্ধধৰ্মৰ গণশিক্ষাৰ কেন্দ্ৰ তিনিটা কি আছিল?

উত্তৰঃ বৌদ্ধধৰ্মৰ গণশিক্ষাৰ কেন্দ্ৰ তিনিটা নালন্দা, বিক্রমশীলা আৰু তক্ষশীলা আছিল।

২। বৌদ্ধ ধৰ্মৰ মূল মতবাদকেইটা বৰ্ণনা কৰা।

উত্তৰঃ বৌদ্ধ ধৰ্মৰ মূল মতবাদকেইটা  হ’ল-

(i) পৃথিৱীখন দুখময়।

(ii) মানুহৰ আশা-আকাংক্ষাৰপৰা দুখৰ উৎপত্তি হয়।

(iii) আশা-আকাংক্ষা দমন কৰি ৰাখিলে মুক্তি সম্ভৱ হয়। আৰু

iv) সেই মুক্তিৰ বাবে অষ্ট মার্গ বা আঠটা পথ অনুসৰণ কৰাৰ প্ৰয়োজন আছে। সেই অষ্ট মার্গ কেইটা হ’ল- সৎ চিন্তা, সৎ সিদ্ধান্ত, সৎ বাক্য, সৎ আচৰণ, সৎ কর্ম, সৎ চেষ্টা, সৎ স্মৃতি আৰু সৎ ধ্যান।

৩) ভাৰতৰ সভ্যতা-সংস্কৃতিৰ প্রতি বৌদ্ধ ধৰ্মৰ অৱদানৰ বিষয়ে লিখা।

উত্তৰঃ ভাৰতৰ সভ্যতা-সংস্কৃতিলৈ বৌদ্ধ ধর্মৰ অৱদান অসীম। পালি ভাষাত লিখা ত্রিপিটকৰ উপৰি বৃদ্ধ দেৱৰ পূর্বজন্মৰ কাহিনীৰ আধাৰত ৰচিত জাতক কথা আজিও সমাদৃত। সাঁচী, বল্লভী, নালন্দা আদি স্তুপসমূহ বৌদ্ধ ধৰ্মৰে অৱদান। এই স্তুপসমূহ ভাৰতৰ ঐতিহ্যৰ এক গৌৰৱময় উপাদানৰ লগতে পর্যটকৰ আকৰ্ষণৰ কেন্দ্র। গান্ধাৰ চিত্রশিল্প, অজন্তা-ইলোৰাৰ গুহাচিত্রসমূহ বৌদ্ধ কলাৰ উৎকৃষ্ট নিদর্শন। বৌদ্ধসকলে স্তূপৰ উপৰি চৈত (প্রার্থনা গৃহ) আৰু বিহাৰ নির্মাণ কৰি ভাৰতৰ স্থাপত্যৰ ক্ষেত্ৰখনলৈ বৰঙণি আগবঢ়াই থৈ গৈছে।

অনুশীলনী-৫

১) তলৰ প্রশ্নবোৰৰ উত্তৰ দিয়া-

(ক) জনজাতি বুলিলে কি বুজা?

উত্তৰঃ সাধাৰণতে একোটা অঞ্চলত আদিম কালৰে পৰা বাস কৰি থকা একোটা সামাজিক গোটক জনজাতি বোলা হয়। জনজাতীয় লোকসকলৰ তেওঁলোকৰ নিজা ভাষা , ৰীতি-নীতি আৰু সংস্কৃতি আছে। তেওঁলোকৰ জীৱন – নির্বাহৰ পদ্ধতি , সামাজিক ব্যৱস্থা আৰু পৰম্পৰাবোৰো সুকীয়া ।

(খ) জনজাতিবোৰৰ অতীতৰ বিষয়ে কোনবোৰ উৎসৰপৰা জানিব পাৰো?

উত্তৰঃ জনজাতিবোৰৰ অতীতৰ বিষয়ে আমি সাধাৰণ মানুহৰ মুখে মুখে চলি অহা লোক-পৰম্পৰা (লোককথা, লোকাচাৰ) আদিৰপৰা জানিব পাৰো।

(গ) ড’নিপ’ল’ ৰ উপাসনা কোন জনগোষ্ঠীৰ লোকে কৰে?

উত্তৰঃড’নিপ’ল’ৰ উপাসনা অৰুণাচলৰ আদি আৰু অসমৰ মিচিং জনগোষ্ঠীৰ লোকে কৰে।

(ঘ) জনজাতীয় বিশ্বাসে মূলতঃ কাক ঈশ্ববব স্থান দিয়ে?

উত্তৰঃ জনজাতীয় বিশ্বাসে মূলতঃ প্রকৃতিক পৱিত্ৰ বুলি গণ্য কৰি ঈশ্বৰৰ স্থান দিয়ে।

(ঙ) মুণ্ডা আৰু চাঁওতাল আদিবাসীসকলে কাক উপাসনা কৰে?

উত্তৰঃমুণ্ডা আৰু চাঁওতাল আদিবাসীসকলে সমগ্র পৃথিৱীখনৰ সৃষ্টি-কর্তা হিচাপে চিংবংগাক উপাসনা কৰে।

২) ভাৰতৰ জনজাতীয় বিশ্বাসসমূহৰ বিষয়ে চমুকৈ বর্ণনা কৰা।

উত্তৰঃ ভাৰতৰ জনজাতি জনগোষ্ঠীবোৰে সাধাৰণতে প্ৰকৃতি পূজা কৰে আৰু প্ৰকৃতিত থকা বিভিন্ন উপাদান যেনে গছ-গছনি, নদী, পাহাৰ, পশুপক্ষী আদি কেৱল প্ৰাকৃতিক বস্তু হিচাপে নহয়, ঈশ্বৰ ৰূপে আৰু পৱিত্ৰ শক্তি হিচাপে গণ্য কৰে। এই জনজাতি সকলে প্রকৃতিৰ সৈতে এক গভীৰ সম্পৰ্ক গঢ়ি উঠাইছে, যি তেওঁলোকৰ জীৱনধাৰাৰ মূল ভিত্তি। তেওঁলোকৰ বিশ্বাস আৰু পৰম্পৰা মূলত মৌখিক কাহিনী, গাথা, আৰু উৎসৱৰ জৰিয়তে প্ৰজন্মৰ পৰা প্ৰজন্মলৈ প্ৰৱাহিত হৈ থাকে।

Class 6 social science সমাজ বিচিত্ৰা স্বদেশ – বিদেশৰ সমাজ পৰিচয় assamese medium question answer|| Class 6| ভাৰতীয় সংস্কৃতিৰ ভেটি || Class 6 social science chapter 10 Assamese Medium

For More details check our Youtube Channel ExamPedia Assam

Class 6 Social Science All Chapter – Click Here

🔗 Related Study Resources

6 Assamese | Class 6 Science | Class 6 Social Science | Class 6 Mathematics |

📲 Stay Connected

Get the latest updates and chapter releases via:

📢 WhatsApp Channel

📢 Telegram Channel

📢 Youtube Channel

Class 6 social science Chapter 9 in assamese medium question answer|| Class 6|| প্ৰাচীন ভাৰতৰ ৰাজবংশ আৰু সমাজ || Class 6 social science chapter 9 Assamese Medium||

প্ৰাচীন ভাৰতৰ ৰাজবংশ আৰু সমাজ

class 6 social science assamese medium question answer|| Class 6|| প্ৰাচীন ভাৰতৰ ৰাজবংশ আৰু সমাজ || Class 6 social science chapter 9 Assamese Medium|| For More Details check our Youtube Channel Assam Board Exam|| 

প্ৰাচীন ভাৰতৰ ৰাজবংশ আৰু সমাজ

অনুশীলনী-১

তলত দিয়া প্রশ্নবোৰৰ উত্তৰ লিখা—

(ক) মৌর্য বংশৰ প্রতিষ্ঠাতা কোন আছিল?

উত্তৰ: মৌর্য বংশৰ প্রতিষ্ঠাতা চন্দ্ৰগুপ্ত মৌর্য আছিল।

(খ) অর্থশাস্ত্ৰ গ্রন্থখনৰ লেখক কোন?

উত্তৰ: অর্থশাস্ত্ৰ গ্রন্থখনৰ লেখক চাণক্য বা কৌটিল্য।

(গ) বর্তমান ভাৰতৰ কোন অঞ্চলত মৌর্যসকলৰ ৰাজ্য অৱস্থিত আছিল?

উত্তৰ: মৌৰ্যসকলৰ ৰাজ্য বৰ্তমান ভাৰতৰ  উত্তৰ প্ৰদেশ ,বিহাৰ, মধ্য প্ৰদেশ ,গুজৰাট, উৰিষ্যা , বাংলাদেশ,আৰু পাকিস্তান অঞ্চলত বিস্তৃত আছিল।

(ঘ) মৌর্য ৰজাসকলৰ ভিতৰত কাক শ্রেষ্ঠ ৰজা বুলি জনা যায়?

উত্তৰ: মৌর্য ৰজাসকলৰ ভিতৰত অশোকক শ্রেষ্ঠ ৰজা বুলি জনা যায়।

(ঙ) শৃংগ বংশৰ প্রতিষ্ঠাপক কোন?

উত্তৰ: শৃংগ বংশৰ প্রতিষ্ঠাপক আছিল পূষ্যমিত্র শৃংগ।

(চ) পূষ্যমিত্র শৃংগ কোনটো বর্ণৰ লোক আছিল?

উত্তৰ: পূষ্যমিত্র শৃংগ ব্ৰাহ্মণ বৰ্ণৰ লোক আছিল।

(ছ) গুপ্ত বংশৰ প্রতিষ্ঠাপক কোন?

উত্তৰ: গুপ্ত বংশৰ প্রতিষ্ঠাপক আছিল শ্রীগুপ্ত।

(জ) মৌর্যসকলৰ সময়ত উচ্চ পদবীধাৰী বিষয়াসকলক কি বুলি জনা গৈছিল?

উত্তৰ: মৌৰ্যসকলৰ সময়ত উচ্চ পদবীধাৰী বিষয়াসকলক অমাত্য বুলি জনা গৈছিল।

(ঝ) অশোকৰ শাসনকালত উচ্চ পদবীধাৰী বিষয়াসকলক কি বুলি কোৱা হৈছিল?

উত্তৰ: অশোকৰ সময়ত উচ্চ পদবীধাৰী বিষয়াসকলক মহামন্ত্ৰী বুলি কোৱা হৈছিল।

(ঞ) অধ্যক্ষ বোলা বিষয়াসকলৰ দায়িত্ব কি আছিল?

উত্তৰ: অধ্যক্ষ বোলা বিষয়াসকলৰ দায়িত্ব আছিল বিভিন্ন বিভাগৰ তত্ত্বাৱধান কৰা।

(ট) মৌর্যসকলৰ সময়ৰ প্রধান বর্ণকেইটা কি আছিল?

উত্তৰ: মৌৰ্যসকলৰ সময়ত চাৰিটা প্রধান বৰ্ণ আছিল — ব্ৰাহ্মণ, ক্ষত্রিয়, বৈশ্য আৰু শূদ্ৰ।

(ঠ) গুপ্তবংশৰ শ্রেষ্ঠ ৰজাজন কোন?

উত্তৰ: গুপ্তবংশৰ শ্রেষ্ঠ ৰজাজন হ’ল সমুদ্ৰগুপ্ত

অনুশীলনী-২

তলত দিয়া প্রশ্নবোৰৰ উত্তৰ লিখা—

(ক) মৌর্যবংশৰ সমসাময়িক দক্ষিণ ভাৰতৰ ৰাজবংশ তিনিটাৰ নাম লিখা।

উত্তৰ: মৌর্যবংশৰ সমসাময়িক দক্ষিণ ভাৰতৰ ৰাজবংশ তিনিটাৰ নামহ’ল  চোল, চেৰা আৰু পাণ্ড্য।

(খ) পাণ্ড্য বংশৰ ৰাজধানী কি আছিল?

উত্তৰ: পাণ্ড্য বংশৰ ৰাজধানী মাডুৰাই আছিল।

(গ) উৰাইয়ুৰ কোনখন ৰাজ্যৰ শাসনকেন্দ্ৰ আছিল?

উত্তৰ: চোল বংশৰ শাসনকেন্দ্ৰ আছিল উৰাইয়ুৰ।

(ঘ) চেৰাসকলৰ অঞ্চলটোক কি বুলি জনা গৈছিল?

উত্তৰ: চেৰা বংশৰ অঞ্চলটোক কেৰেলা বুলি জনা গৈছিল।

(ঙ) কাক অন্ধ বুলি জনা গৈছিল?

উত্তৰ: সাতবাহন বংশক অন্ধ বুলি জনা গৈছিল।

(চ) চালুক্য বংশৰ প্রতিষ্ঠাপক কোন?

উত্তৰ: চালুক্য বংশৰ প্রতিষ্ঠাপক আছিল প্ৰথম পুলকেশী।

(ছ) পল্লৱ বংশৰ প্ৰথম বজা কোন আছিল?

উত্তৰ: পল্লৱ বংশৰ প্ৰথম ৰজা আছিল সিংহবিষ্ণু।

(জ) কাঞ্চীপুৰম কাৰ ৰাজধানী আছিল?

উত্তৰ: কাঞ্চীপুৰম আছিল পল্লৱসকলৰ ৰাজধানী।

(ঝ) দক্ষিণ ভাৰতৰ লোকসকলৰ প্রধান বৃত্তি কি আছিল?

উত্তৰ: দক্ষিণ ভাৰতৰ লোকসকলৰ প্রধান বৃত্তি আছিল কৃষিকাৰ্য।

অনুশীলনী-৩

তলত দিয়া প্রশ্নবোৰৰ উত্তৰ লিখা—

(ক) প্রাচীন কামৰূপৰ প্রথমটো ঐতিহাসিক বংশৰ নাম কি?

উত্তৰ: প্রাচীন কামৰূপৰ প্ৰথমটো ঐতিহাসিক বংশ বর্মন বংশ।

(খ) কোনজন কামৰূপৰ ৰজাই ভাস্কৰাব্দ নামৰ নতুন চনৰ প্রৱর্তন কৰিছিল?

উত্তৰ: কামৰূপৰ ৰজা ভাস্কৰ বৰ্মনে ভাস্কৰাব্দ চনৰ প্ৰৱর্তন কৰিছিল।

(গ) বর্মন বংশৰ শ্রেষ্ঠ ৰজা কোন আছিল?

উত্তৰ: বর্মন বংশৰ শ্রেষ্ঠ ৰজা আছিল ভাস্কৰ বৰ্মন।

(ঘ) চীনা পৰিব্রাজক হিউৱেন চাং কামৰূপলৈ কেতিয়া আহিছিল?

উত্তৰ: চীনা পৰিব্রাজক হিউয়েন চাং ভাস্কৰ বৰ্মনৰ ৰাজত্ব কালত কামৰূপলৈ আহিছিল।

(ঙ) বিষয় বুলিলে কি বুজা?

উত্তৰ শাসন সুবিধাৰ বাবে কামৰূপ ৰাজ্য খনক বিভিন্ন প্ৰশাসনিক গোটত বিভক্ত কৰা হৈছিল এনে গোটবোৰক বিষয় বোলা হৈছিল।

(চ) কামৰূপ ৰাজ্যৰ কেইটামান উল্লেখযোগ্য বৃত্তিৰ নাম লিখা।

উত্তৰ কামৰূপ ৰাজ্যৰ কেইটামান উল্লেখযোগ্য বৃত্তিৰ নাম হ’ল – কৃষি, কাপোৰ বোৱা, কাঁহ – পিতল বা মাটিৰ পাত্ৰ তৈয়াৰ কৰা।

অনুশীলনী-৪

তলত দিয়া প্রশ্নবোৰৰ উত্তৰ লিখা—

(ক) গুপ্তযুগক কিয় সোনালী যুগ বুলি কোৱা হৈছিল?

উত্তৰ: শিক্ষা, সাহিত্য, কলা আৰু বিজ্ঞানৰ বিকাশৰ বাবে গুপ্তযুগক সোনালী যুগ বুলি কোৱা হৈছিল।

(খ) কালিদাসে লিখা তিনিখন নাটকৰ নাম লিখা।

উত্তৰ: অভিজ্ঞান শকুন্তলম, ৰঘুবংশম, মালাবিকাগ্নিমিত্রম।

(গ) বর্তমানৰ নাম প্রয়াগৰাজ প্রশস্তিৰ লেখক কোন আছিল?

উত্তৰ: বর্তমানৰ নাম প্রয়াগৰাজ প্রশস্তিৰ লেখক হৰিসেন আছিল।

(ঘ) দ্বিতীয় চন্দ্রগুপ্তৰ সভাসদ অমৰসিংহই ৰচনা কৰা অভিধানখনৰ নাম কি?

উত্তৰ: দ্বিতীয় চন্দ্রগুপ্তৰ সভাসদ অমৰসিংহই ৰচনা কৰা অভিধানখনৰ নাম হ’ল অমৰকোষ।

(ঙ) দক্ষিণ ভাৰতত কি কি ভাষাত নাটক, কবিতা আদি ৰচনা কৰা হৈছিল?

উত্তৰ:  দক্ষিণ ভাৰতত সংস্কৃত, তামিল, তেলেগু, কানাড়া, মালায়ালাম ভাষাত নাটক, কবিতা আদি ৰচনা কৰা হৈছিল।

Class 6 Social Science Chapter 9 Question Answer

Class 6 Social Science Chapter 9 Asaamese Medium

For More details check our Youtube Channel Assam Board Exam

Class 6 Social Science Content

Class 6 social science Chapter 6 in assamese medium question answer|| Class 6|| ইতিহাস লিখনত সময় গণনা, উৎস আৰু ভাৰতবর্ষ|| Class 6 social science chapter 6 Assamese Medium||

ইতিহাস লিখনত সময় গণনা, উৎস আৰু ভাৰতবর্ষ

class 6 social science assamese medium question answer|| Class 6|| ইতিহাস লিখনত সময় গণনা, উৎস আৰু ভাৰতবর্ষ || Class 6 social science chapter 6 Assamese Medium|| For More Details check our Youtube Channel Assam Board Exam|| 

ইতিহাস লিখনত সময় গণনা, উৎস আৰু ভাৰতবর্ষ

অনুশীলনী – ১

১/ তলৰ প্ৰশ্নবোৰৰ উত্তৰ দিয়া-

(ক) শংকৰদেৱৰ জন্মৰ চনৰপৰা আৰম্ভ হোৱা বর্ষপঞ্জিখনক কি বুলি জনা যায়?

উত্তৰ:- শংকৰদেৱৰ জন্মৰ চনৰপৰা আৰম্ভ হোৱা বর্ষপঞ্জিখনক শংকৰাব্দ বুলি জনা যায়।

(খ) ভাস্কৰাব্দৰ আৰম্ভণি কোনজন ৰজাৰ ৰাজ অভিষেকৰ বছৰৰপৰা হৈছে?

উত্তৰ:- ভাস্কৰাব্দৰ আৰম্ভণি ভাস্কৰবৰ্মন ৰজাৰ ৰাজ অভিষেকৰ বছৰৰপৰা হৈছে।

(গ) মুছলমানসকলৰ পৰম্পৰাগত বর্ষপঞ্জিখনৰ নাম কি?

উত্তৰ:- মুছলমানসকলৰ পৰম্পৰাগত বর্ষপঞ্জিখনৰ নাম হিজৰী।

(ঘ) গ্ৰেগৰিয়ান বর্ষপঞ্জিৰ আৰম্ভণিৰ বছৰটো কোনজন বিশেষ ব্যক্তিৰ জন্মৰপৰা গণনা কৰা হয়?

উত্তৰ:- গ্ৰেগৰিয়ান বর্ষপঞ্জিৰ আৰম্ভণিৰ বছৰটো যীশুখ্ৰীষ্টৰ জন্ম বছৰৰপৰা গণনা কৰা হয়।

(ঙ) এক দশক বুলিলে কি বুজা?

উত্তৰ:- এক দশক বুলিলে ১০ বছৰীয়া এছোৱা সময়ক বুজোৱা হয়।

(চ) ১০০০ বছৰক একেলগে বুজাবলৈ কোনটো শব্দ ব্যৱহাৰ কৰা হয়?

উত্তৰ:- ১০০০ বছৰক একেলগে বুজাবলৈ সহস্রাব্দ শব্দ ব্যৱহাৰ কৰা হয়

২/ ইতিহাস আৰু কাহিনীৰ মাজত কি পার্থক্য আছে?

উত্তৰ:- ইতিহাস হ’ল অতীতত ঘটা প্রকৃত ঘটনাৰ ধাৰাবাহিক বিৱৰণী। আনহাতে কাহিনী হ’ল মানুহে কল্পনাৰে সাজি লোৱা এটা সাধুকথা।

৩) ইতিহাস লিখনৰ ক্ষেত্ৰত সবাতোকৈ গুৰুত্বপূর্ণ উপাদান কি?

উত্তৰ:- ইতিহাস লিখনৰ ক্ষেত্ৰত সবাতোকৈ গুৰুত্বপূর্ণ উপাদান হ’ল-সত্যতাৰ নিৰূপণৰ কাৰণে উৎস আৰু ধাৰাবাহিকতা।

অনুশীলনী-২

১. তলৰ প্রশ্নবোৰৰ উত্তৰ দিয়া—

(ক) ইতিহাস অধ্যয়নৰ উৎস বুলিলে কি বুজা?

উত্তৰ: ইতিহাস অধ্যয়নৰ উৎস বুলিলে বুজা হয় সেইবোৰ সামগ্ৰী বা তথ্য যাৰ সহায়ত অতীতৰ ঘটনা জানিব পৰা যায়।

(খ) ইতিহাস অধ্যয়নৰ দুবিধ উৎসৰ নাম লিখা।

উত্তৰ:- ইতিহাস অধ্যয়নৰ দুবিধ উৎসৰ নাম হ’ল-

(১) তাম্ৰলিপি

(২) শিলালিপি

গ) এপিগ্রাফিষ্টসকলে কিহৰ বিষয়ে অধ্যয়ন কৰে?

উত্তৰ:- এপিগ্রাফিষ্টসকলে শিলালিপি, তাম্রলিপি, মুদ্রা আদিৰ বিষয়ে অধ্যয়ন কৰে।

(ঘ)জীৱাশ্মৰ বিষয়ে অধ্যয়ন কৰা লোকসকলক কি বুলি জনা যায়?

উত্তৰ:- জীৱাশ্মৰ বিষয়ে অধ্যয়ন কৰা লোকসকলক পুৰাজীৱবিজ্ঞানী বুলি জনা যায়।

(ঙ) নৃতত্ত্ববিদসকলে কোনবোৰ বিষয় অধ্যয়ন কৰে?

উত্তৰ:- নৃতত্ত্ববিদসকলে প্রত্নতাত্ত্বিক স্থানত থকা পুৰণি শিল্পকর্মসমূহ পৰীক্ষা কৰি অতীতৰ মানুহৰ সাংস্কৃতিক আচৰণ পুনৰ অধ্যয়ন কৰে।

২) ইতিহাসবিদসকলে উৎসসমূহৰ সত্যতা কিদৰে নিৰূপণ কৰে?

উত্তৰ:- ইতিহাসবিদসকলে বিভিন্ন উৎসৰ পৰা তথ্য সংগ্ৰহ কৰি প্ৰথমে সেইবোৰ তুলনা কৰি চায় কোনটো উৎস অধিক নিৰ্ভৰযোগ্য তাক বিচাৰি উলিয়ায় আনি উৎসসমূহৰ সত্যতা নিৰূপণ কৰে।

৩) ইতিহাস লিখনত আন আন বিষয়ৰ ভূমিকা বর্ণনা কৰা ।

উত্তৰ:- ইতিহাস হৈছে এক বৈজ্ঞানিক প্রক্রিয়া। নানা উৎস ইতিহাসবিদসকলক তথ্যৰ যোগান ধৰি অতীতক পুনৰ উদ্ধাৰ কৰাত সহায় কৰে। প্রত্নতাত্বিকসকলে আদিম লোকসকলৰ বিষয়ে তথ্য উদঘাটন কৰাত আগভাগ লয়।পুৰাজীৱবিজ্ঞানীসকলে জীৱাশ্মৰ অধ্যয়ন কৰে । নৃতত্ববিদসকলে প্রত্নতাত্বিক স্থানত থকা শিল্প-কর্মসমূহ পৰীক্ষা কৰি অতীতৰ মানুহৰ সাংস্কৃতিক আচৰণ পুনৰ অধ্যয়ন কৰে।লিপিবিদসকলে প্রাচীন শিলালিপিৰপৰা তথ্য উদঘাটন কৰে। সাহিত্য আৰু ভাষাৰ বিশেষজ্ঞসকলেও ইতিহাস লিখনত অৰিহণা যোগায়।এইদৰে নানা বিষয়ে ইতিহাস লিখনত সহায় কৰে।

অনুশীলনী-৩

১. তলৰ প্রশ্নবোৰৰ উত্তৰ দিয়া—

ক) সপ্তসিন্ধু বুলিলে ভাৰত উপমহাদেশৰ কোনটো অঞ্চলক বুজোৱা হৈছিল?

উত্তৰ:- সপ্তসিন্ধু বুলিলে ভাৰত উপমহাদেশৰ উত্তৰ- পশ্চিম অঞ্চলটোক বুজোৱা হৈছিল।

(খ) ভাৰত উপমহাদেশ বুলিলে বর্তমান কোনটো অঞ্চলক বুজায়?

উত্তৰ:- ভাৰত উপমহাদেশৰ বুলিলে বর্তমান ভাৰতকে ধৰি পাকিস্তান, বাংলাদেশ, আফগানিস্তান, ভূটান, আৰু নেপালক বুজায়।

গ) অশোকে ভাৰতক বুজাবলৈ শিলালিপিত কোনটো শব্দ ব্যৱহাৰ কৰিছিল?

উত্তৰ:- অশোকে ভাৰতক বুজাবলৈ শিলালিপিত ‘জম্বুদ্বীপ’ শব্দ ব্যৱহাৰ কৰিছিল।

(ঘ) প্রাচীন গ্রীকসকলে ভাৰতক বুজাবলৈ কি শব্দ ব্যৱহাৰ কৰিছিল?

উত্তৰ:- প্রাচীন গ্রীকসকলে ভাৰতক বুজাবলৈ ‘ইণ্ডই’ বা ‘ইণ্ডাইক’ শব্দ ব্যৱহাৰ কৰিছিল।

(ঙ) প্রাচীন চীনাসকলে ভাৰতক কি বুলি কৈছিল?

উত্তৰ:- প্রাচীন চীনাসকলে ভাৰতক ‘য়িন্তু’ বা ‘ য়িন্দু’ বুলি কৈছিল।

চ) ভাৰতৰ কোনটো অঞ্চলক’ ভাৰতম’ বুলি কোৱা হৈছিল?

উত্তৰ:- ভাৰতৰ দক্ষিণ অঞ্চলক’ ভাৰতম’ বুলি কোৱা হৈছিল।

২) ‘ভাৰত’ শব্দটো কিদৰে আহিল বর্ণনা কৰা।

উত্তৰ:- প্ৰাচীন কালত ‘ভৰত’ নামৰ এজন শক্তিশালী ৰজাই ইয়াত ৰাজত্ব কৰিছিল। এইজনা ৰজাৰ নামৰ পৰাই দেশখনৰ নাম ‘ভাৰত’ হৈছে বুলি সকলোৱে বিশ্বাস কৰে।

৩) ইণ্ডিয়া নামটোৰ উৎপত্তি বর্ণনা কৰা।

উত্তৰ:- প্রাচীন গ্রীকসকলে সিন্ধু অঞ্চলটোৰ নাম ‘ইণ্ডই’ বা ‘ইণ্ডাইক’ ৰাখিছিল। ‘হিন্দ’ৰ প্ৰাৰম্ভিক ‘হ’ আখৰটো তেওঁলোকৰ ভাষাত নথকাৰ বাবে বাদ দিছিল। এনেদৰেই ‘ইণ্ডিয়া’ নামৰ উৎপত্তি হৈছিল বুলি ধাৰণা কৰা হয়।

Class 6 social science সমাজ বিচিত্ৰা স্বদেশ – বিদেশৰ সমাজ পৰিচয় assamese medium question answer|| Class 6| ইতিহাস লিখনত সময় গণনা, উৎস আৰু ভাৰতবর্ষ|| Class 6 social science chapter 6 Assamese Medium

For More details check our Youtube Channel ExamPedia Assam

Class 6 Social Science All Chapter – Click Here

🔗 Related Study Resources

6 Assamese | Class 6 Science | Class 6 Social Science | Class 6 Mathematics |

📲 Stay Connected

Get the latest updates and chapter releases via:

📢 WhatsApp Channel

📢 Telegram Channel

📢 Youtube Channel