Class 6 Assamese Chapter 1 সবাতোকৈ আপোন – সম্পূৰ্ণ প্ৰশ্ন উত্তৰ in Assamese Medium | All Question Answer | SEBA Class 6
সবাতোকৈ আপোন
Class 6 Assamese Chapter 1 সবাতোকৈ আপোন | Complete Question Answer in Assamese Medium
সবাতোকৈ আপোন
দশম শ্ৰেণী
অসমীয়া
১। কোৱা আৰু লিখা।
(ক) কবিয়ে কাক কাক সবাতোকৈ আপোন বুলি কৈছে ?
উত্তৰঃ কবিয়ে নিজৰ আইক, নিজৰ দেশখনক আৰু নিজৰ মাতৃভাষাক সবাতোকৈ আপোন বুলি কৈছে।
(খ) কবিয়ে প্ৰাণৰ চিনাকি বুলি কাৰ কাৰ কথা কৈছে?
উত্তৰঃকবিয়ে নিজৰ দেশখনৰ নগৰ, গাঁও, জান-জুৰি প্ৰাণৰ চিনাকি বুলি কৈছে।
(গ) কবিতাটিত অন্তৰৰ ভাব কিহেৰে প্ৰকাশ কৰা বুলি কোৱা হৈছে?
উত্তৰঃ কবিতাটিত অন্তৰৰ ভাব নিজৰ মাতৃভাষাৰে প্ৰকাশ কৰা বুলি কোৱা হৈছে।
(ঘ) কবিয়ে জগতখন কাৰ কাৰ যোগেদি চিনি পাবলৈ আশা কৰিছে?
উত্তৰঃ কবিয়ে জগতখন নিজৰ আই, নিজৰ দেশ খন আৰু নিজৰ মাতৃভাষাৰ যোগেদি চিনি পাবলৈ আশা কৰিছে।
(ঙ) সুবিশাল পৃথিৱীত কাৰ স’তে, কেনেকৈ খোজ দিবলৈ কবিয়ে ইচ্ছা কৰিছে?
উত্তৰঃ সুবিশাল পৃথিৱীত সকলোৰে স’তে হাতে-হাতে ধৰা-ধৰিকৈ খোজ দিবলৈ কবিয়ে ইচ্ছা কৰিছে।
৪। কবিতাটিৰ মূলভাব লিখা
উত্তৰঃ “সবাতোকৈ আপোন” কবিতাটিৰ মাজেৰে কবি নৱকান্ত বৰুৱাদেৱে নিজৰ আইক, নিজৰ দেশখনক আৰু নিজৰ মাতৃভাষাক সবাতোকৈ আপোন বুলি কৈছে। কবিৰ মতে নিজৰ আই শুৱনি ন’হলেও সবাতোকৈ আপোন, কিয়নো কবিয়ে আইৰ কাৰণেহে সুন্দৰ সেউজীয়া পৃথিৱীখন চাবলৈ পালে। নিজৰ দেশখন আন আন দেশতকৈ ধনী নহবও পাৰে, তথাপি নিজৰ দেশখন কবিৰ বাবে আপোন, কিয়নো নিজৰ দেশৰ নগৰ, গাঁও, জান-জুৰি আদি তেওঁৰ বাবে নিজৰ প্ৰাণৰ দৰে চিনাকি। আকৌ নিজৰ মাতৃভাষা আন ভাষাৰ দৰে সুৰীয়া ন’হলেও তেওঁৰ বাবে সবাতোকৈ আপোন, কাৰণ নিজৰ মাতৃভাষাৰ সহায়ত সুখ-দুখৰ লগতে অন্তৰৰ ভাৱ প্ৰকাশ কৰিব পাৰি। শেষত কবিয়ে নিজৰ আই, নিজৰ দেশ আৰু নিজৰ মাতৃভাষাৰ যোগেদি জগতখন চিনি পাবলৈ ইচ্ছা কৰিছে আৰু সকলোৱে হাতে হাতে ধৰাধৰিকৈ আগুৱাই যোৱাৰ কথা উল্লেখ কৰিছে।
৫। পাঠৰ পৰা অন্ত্যধ্বনি থকা শব্দবোৰ মিলাই লিখা।
উত্তৰঃআই – চিনাই
চহকী – চিনাকী
সুৰীয়া – কুমলীয়া
জগত – লগত
সুখ – দুখ
৬) নির্দিষ্টতাবাছক প্রত্যয় টো, টি, জন, জনী, খন, খনি ব্যৱহাৰ কৰি তলৰ শব্দবিলাক নতুনকৈ লিখা। (যেনে: মানুহ জন = মানুহজন)
তিৰোতা, ছাতি, কেঁচুৱা, ঘৰ, কিতাপ, ছোৱালী, ফুলনি, নৈ, পর্বত
উত্তৰ তিৰোতা+ জনী= তিৰোতাজনী
ছাতি+ টো= ছাতিটো
কেঁচুৱা+ টি = কেঁচুৱাটি
ঘৰ+ খন = ঘৰখন
কিতাপ + খন = কিতাপখন
ছোৱালী + জনী =ছোৱালীজনী
ফুলনি+ খন= ফুলনিখন
নৈ+ খনি= নৈখনি
পৰ্বত+ খন = পৰ্বতখন
৭। বাক্য ৰচনা কৰা।
শুৱনিঃ সীতাই ঘৰ খন শুৱনি কৈ ৰাখিছে।
সুৰীয়াঃ বহাগত কুলি চৰাইৰ সুৰীয়া মাত শুনিবলৈ পোৱা যায়।
ধুনীয়াঃ ম’ৰা চৰাই দেখিবলৈ বৰ ধুনীয়া ।
চহকীঃ মানুহজন চহকী যদিও অহংকাৰী নহয় ।
কুমলীয়াঃ বৰষুণ পৰা বাবে গছৰ পৰা কুমলীয়া পাতবোৰ ওলাইছে।
সুবিশালঃ সুবিশাল পৃথিৱীত হাতে-হাতে ধৰা-ধৰিকৈ খোজ দিবলৈ কবি নৱকান্ত বৰুৱাই ইচ্ছা কৰিছে।
৮) কবিতাটিৰ পৰা যুৰীয়া শব্দবোৰ বিচাৰি লিখা।
উদাহৰণ – জান-জুৰি
উত্তৰঃ গছ-লতা, সুখ-দুখ, হাতে-হাতে, ধৰা-ধৰিকৈ।
৯। তলত দিয়া শব্দবোৰৰ নঞৰ্থক ৰূপবোৰ লিখা।
হ’ব – নহ’ব।
ধোওঁ – নোধোওঁ।
শুনা – নুশুনা।
কৰোঁ – নকৰোঁ।
খেলোঁ – নেখেলোঁ।
যাম – নাযাম।
দিম – নিদিম।
লিখোঁ – নিলিখোঁ।
১০) কবিতাটিত থকা বিশেষ্য আৰু বিশেষণ পদবোৰ বাছি উলিয়াই লিখা।
উত্তৰঃ বিশেষ্য পদ – আই, গছ, ধৰণী, দেশ, সুখ, দুখ, পৃথিৱী ইত্যাদি।
বিশেষণ পদ – ধুনীয়া, শুৱনি, সুৰীয়া, চহকী, সুবিশাল ইত্যাদি।
১১। উপযুক্ত শব্দৰে খালী ঠাই পূৰ কৰা।
(ক) মই মোৰ আইক …… পাওঁ ।
উত্তৰ মই মোৰ আইক ভাল পাওঁ ।
(খ) মই মোৰ মাতৃভাষাক ……. কৰোঁ ।
উত্তৰ মই মোৰ মাতৃভাষাক শ্ৰদ্ধা কৰোঁ ।
গ) আমি আমাৰ স্বদেশক লৈ ……. বোধ কৰো ।
উত্তৰ আমি আমাৰ স্বদেশক লৈ গৌৰৱ বোধ কৰো ।
১২। তলত দিয়া স্তৱকসমূহ জননী, জন্মভূমি আৰু মাতৃভাষাক লৈ ৰচিত । স্তৱকসমূহ দলীয়ভাবে পঢ়া আৰু কোনটো স্তবক কাৰ উদ্দেশ্যে ৰচিত হৈছে কোৱা।
(ক) মেলিলোঁ প্ৰথম চকু
তোমাৰ কোলাতে আই
জনমৰ আদিম পুৱাত;
উত্তৰঃ দেশ মাতৃৰ বিষয়ে লিখা হৈছে।
(খ) কোনে মোক তুলি-তালি কৰিলে ডাঙৰ
মউসনা মিঠা মাতে পাহৰি ভাগৰ;
উত্তৰঃ জননীৰ বিষয়ে লিখা হৈছে।
(গ) চিৰ চেনেহী মোৰ ভাষা জননী
উত্তৰঃ মাতৃভাষাৰ বিষয়ে লিখা হৈছে।
১৩। অসমৰ যিকোনো তিনিগৰাকী শিশু- সাহিত্যিকৰ নাম লিখা
উত্তৰঃ অসমৰ তিনিগৰাকী বিশিষ্ট শিশু-সাহিত্যিক নাম হল –
(i) অতুলচন্দ্ৰ হাজৰিকা।
(ii) নৱকান্ত বৰুৱা।
(iii) ভবেন্দ্ৰনাথ শইকীয়া।
Class 6 Assamese All Question Answer- Click Here
Class 6 Assamese Chapter 1 সবাতোকৈ আপোন Complete Question Answer in Assamese Medium
For More details check our Youtube Channel Assam Board Exam
