ছ’চিয়েল মিডিয়া আৰু সমাজত ইয়াৰ প্ৰভাৱ | Assamese Essay on Social Media and Its Impact.

Explore the influence of social media on society, its advantages, disadvantages, and its significance in the modern era.

আৰম্ভণিঃ

 সৃষ্টিকৰ্তাৰ সৃষ্টিৰ গূঢ়তম ৰহস্যৰ ভেদ কৰিবৰ কাৰণে মানুহৰ প্রচেষ্টা সীমাতীত। মানুহে নোপোৱাটো পাবলৈ আৰু নেদেখাটো চাবলৈ সদায় ব্যগ্র। সেয়ে মানুহে প্ৰকৃতিৰ বুকুত সৰ্বস্ব উদঘাটন কৰি ন  ন  দিশেৰে আগুৱাই যাবলৈ অহৰহ প্ৰচষ্টা চলাই আছে আৰু মানুহেই যে সকলো জীৱৰ ভিতৰত শ্রেষ্ঠ, তাক পদে পদে প্রতিপন্ন কৰি আহিছে। জুই আৰু লো আৱিষ্কাৰ হোৱাৰ দিন ধৰি বৰ্তমানলৈকে মানুহৰ দ্বাৰা সৃষ্ট বা আৱিষ্কৃত সামগ্রীৰ অন্তহীন সংজ্ঞা। এই সকলো আৱিষ্কাৰৰ মূলতেই হৈছে বিজ্ঞানৰ অৱদান আৰু সেই সকলোবোৰ ন ন পৰীক্ষা-নিৰীক্ষাৰেই ফচল। এনে ফচলৰ এবিধ নবতম সংযোজন হৈছে ছ’চিয়েল মিডিয়া। ছ’চিলেল মিডিয়াৰ জৰিয়তে অতি কম সময়ৰ ভিতৰতে বিশ্বৰ বিভিন্ন প্ৰান্তৰ মানুহৰ লগত যোগাযোগ স্থাপন কৰিব পাৰি,বিভিন্ন বার্তা-খবৰ পাব পাৰি।

ছচিয়েল মিডিয়া কি?:

বর্তমান যুগত যুৱ প্ৰজন্মৰ মাজত ছ’চিয়েল মিডিয়া অতিকৈ প্রিয় মাধ্যম। ছ’চিয়েল মিডিয়া এনে এবিধ মাধ্যম যাৰ জৰিয়তে অতি কম সময়ৰ ভিতৰত বিশ্বৰ বিভিন্ন প্ৰান্তৰ মানুহৰ লগত যোগাযোগ স্থাপন কৰিব পাৰি। বর্তমান যুগত ছ’চিয়েল মিডিয়া বুলি ক’লে ইণ্টাৰনেটেৰ বিভিন্ন ৱেবচাইট ফেচবুক, ব্রাটআপ, ইন্‌ন্টাগ্রাম, টুইটাৰ আদি মাধ্যমবোৰৰ কথা ক’ব পাৰি। এইকেইবিধ এনে এবিধ যোগাযোগ মাধ্যম, যাক কম্পিউটাৰ ছীষ্টেম, ম’বাইলৰ লগত সংযোগ কৰি এজনে আনজনৰ লগত সংযোগ স্থাপন কৰিব পাৰে। অৱশ্যে এই সংযোগ ছেটেলাইট, টেলিফোন লাইন, অপটিকেল কেৱোল, ম’বাইল আদিৰ দ্বাৰাহে সম্ভৱ।

ছ’চিয়েল মিডিয়া  প্ৰচাৰ আৰু প্ৰসাৰঃ

 ছ’চিয়েল মিডিয়া বৰ্তমান যুগৰ এক জনপ্রিয় মাধ্যম। পৃথিৱীৰ প্রায় প্রতিজন মানুহেই বর্তমান যুগত ছ’চিয়েল মিডিয়া ব্যৱহাৰ কৰে। এই মাধ্যম বিধৰ ব্যৱহাৰৰ ফলত পৃথিৱীখন এখন ঘৰ আৰু প্ৰতিখন ৰাষ্ট্ৰয়ে ঘৰখনৰ সদস্যত পৰিণত হৈছে। ছ’ছিয়েল মিডিয়া এক গণমাধ্যম যাৰ জৰিয়তে ই-মেইল কৰি বিশ্বৰ যিকোনো ঠাইলৈ তথ্য প্ৰেৰণ কৰিব পাৰি বা তথ্য সংগ্ৰহ কৰিব পাৰি। সাধাৰণতে শিক্ষা, দৰৱ, ভাষা, ছফটৱেৰ, কম্পিউটাৰ ব্যৱসায়, আমোদ-প্রমোদ, বন্দুত্ব আদি বিভিন্ন সময়ত গণমাধ্যমস্বৰূপে ছ’চিয়েল মিডিয়াৰ দ্বাৰা সংগ্ৰহ বা স্থাপন কৰিব পাৰি।

ছ’চিয়েল মিডিয়া ইতিবাচক দিশ

ছ’চিয়েল মিডিয়া সহায়ত অতি কম সময় আৰু কম খৰচত বিশাল তথ্য প্ৰেৰণ বা সংগ্ৰহ কৰিব পাৰি, যিয়ে বিভিন্ন দিশত সফলতা অর্জন কৰাত সহায় কৰিছে। বর্তমান সমগ্র-বিশ্বত তিনি কোটিৰো অধিক লোকে এইবিধ মাধ্যম ব্যৱহাৰ কৰে। ছ’চিয়েল মিডিয়াৰ ইতিবাচক দিশ সমূহ হৈছে-

(ক) অতি কম সময়, কম খৰচত বিভিন্ন তথ্য সংগ্ৰহ আৰু প্ৰেৰণ কৰিব পাৰি।

(খ) বিশ্বৰ বিভিন্ন প্রান্তৰ মানুহৰ লগত যোগাযোগ স্থাপন কৰিব পাৰি।

(গ) বিশ্বৰ বিভিন্ন প্ৰান্তৰ খবৰ সংগ্ৰহ, চিঠিপত্ৰৰ আদান-প্রদান, ব্যৱসায় সম্বন্ধীয় আলোচনা, বিভিন্ন বিনোদন, কম্পিউটাৰ গেম, শিক্ষা তথা বৈজ্ঞানিক গবেষণা পত্র সংগ্রহ আৰু অধ্যয়ন আদি দৈনন্দিন ব্যৱহাৰ কৰা হয়।

ছ’চিয়েল মিডিয়া নেতিবাচক দিশ:

সকলো বস্তুৰে ইতিবাচক আৰু নেতিবাচক দিশ কিছুমান থাকে। ছচিয়েল মিডিয়াৰ কিছুমান নেতিবাচক দিশ পৰিলক্ষিত হয়। ইয়াৰ দ্বাৰা যিদৰে সকলো ধৰণৰ জ্ঞান লাভৰ তথ্য আহৰণ কৰিব পাৰি, ঠিক সেইদৰে বহু ছাত্র-ছাত্রীয়ে প্রাপ্তবয়স্কৰ বাবে থকা অপ্রয়োজনীয় তথ্য সংগ্ৰহ কৰি ক্ষতিগ্রস্ত হোৱা দেখা গৈছে।  বহুতে আকৌ অপ্রয়োজনীয় ই- মেইল, মেছেজ, ভিডিঅ’ আদি প্ৰেৰণ কৰি সময় নষ্ট কৰে লগতে বিভিন্ন ধৰণৰ ফটো আপলোড কৰিও সময় নষ্ট কৰে। বিভিন্ন হকাৰে’ মাজে-সময়ে মানুহক বিপথে পৰিচালিত কৰাৰ উপৰিও, বিভিন্ন তথ্য পাতি ‘ভাইৰেল’ কৰাৰ বাবে কেতিয়াবা কোনো-কোনোৱে মৃত্যুক আকোঁৱালি লোৱাও দেখা যায়।

সামৰণি :

বর্তমান পৃথিৱীৰ প্ৰায় সকলো লোকৰ দৰে আমাৰ ভাৰতবৰ্ষতো ছ’চিয়েল মিডিয়া এক সহজলভ্য আৰু সুলভ মাধ্যম হৈ পৰিছে। উল্লেখযোগ্য যে ছ’চিয়েল মিডিয়াই বিশ্বৰ দূৰ-দূৰণিৰ সৰু-বৰ সকলো প্ৰান্তৰক সংযোগ ঘটাই। বিশাল পৃথিৱীখনক নিচেই সংকুচিত কৰি পেলাইছে। ছ’চিয়েল মিডিয়াৰ ঋণাত্মক দিশবোৰ ত্যাগ কৰি ধনাত্মক দিশবোৰ গ্ৰহণ কৰিব পাৰিলে যুৱ-প্ৰজন্ম লগতে এটা জাতি, এখন ৰাষ্ট্ৰৰ মংগল সাধন হ’ব।

ছ’চিয়েল মিডিয়া আৰু সমাজত ইয়াৰ প্ৰভাৱ | Social Media and Its Impact – Assamese essay. Learn about the role of social media in society, its effects, benefits, and challenges in shaping the modern world.

For More details check our Youtube Channel Assam Board Exam

Find the list of Essays : Click Here